تیزبارشوں کے پیش نظرگلیات آ نیوالے سیاحوں کیلئے ایڈوائزری جاری

 تیزبارشوں کے پیش نظرگلیات آنے والے سیاحوں کیلئے ایڈوائزری جاری کردی گئی ۔ ترجمان جی ڈی اے کے مطابق گلیات میں جمعہ تک مون سون کی بارشوں کا نیا سلسلہ جاری رہنے کا امکان ہے، شدید بارشوں کے دوران لینڈ سلائیڈنگ سے ٹریفک متاثر ہوسکتی ہے۔ترجمان جی ڈی اے کے مطابق سیاح دوران  بارش اوراندھیرے میں ڈرائیونگ سے اجتناب کریں، لینڈ سلائیڈنگ کی صورت میں عملے کو24 گھنٹے فیلڈ میں رہنے کی ہدایت کر دی گئی۔ روڈ سائیڈ چھوٹی بڑی مشینری کی دستیابی کویقینی بنایا جائے گا۔ترجمان جی ڈی اے احسن حمید نے ہدایت کی کہ سیاح دوران سفراحتیاطی تدابیر اختیارکریں۔ سیاحتی مقامات میں موسمیاتی صورت حال اورراستوں سے متعلق ہیلپ لائن 1422 پررابطہ کریں۔