اختر ڈار سے سہیل ڈار‘نیئر حسن‘ احسان اللہ ودیگر کی ملاقات،خوشدامن کی وفات پر اظہار تعزیت

شیخوپورہ(نمائندہ نوائے وقت)پاکستان تحریک انصاف نظریاتی کے چیئرمین اختر اقبال ڈارسے انکی رہائشگا ہ پر اسسٹنٹ ایڈووکیٹ جنرل سہیل ڈار، ممبر سنٹرل ایگزیکٹو کمیٹی پیپلز پارٹی نیر حسن ڈار، پروفیسر احسان اللہ بھٹی ، مفسر قرآن مولانا ثناء اللہ بھٹی ایم اے، شیخ عظیم علی، شیخ امتیاز احمد، سید علی معظم رضوی ، عارف باجوہ، وسیم اشرف سندھو ، چوہدری خالق عزیز مت ورک، چوہدری منیر قمر واہگہ، گلریز رضوی، عظیم کھرل، منظور ورک، آصف قیوم و دیگر سیاسی سماجی رہنمائوں نے ملاقات کی اور انکی خوشدامن کی وفات پر اظہار تعزیت کرتے ہوئے مرحومہ کی روح کے ایصال ثواب کیلئے فاتحہ خوانی کرنے سمیت درجات کی بلندی و لواحقین کیلئے صبر جمیل کی خصوصی دعا کی ہے جبکہ علماء کرام نے شرکاء دعا سے خطاب کرتے ہوئے کہنا تھا کہ انسانی زندگی اللہ تعالیٰ کی امانت ہے ہمارا ہر لمحہ اللہ رب العزت کی عبادت و شکر گزاری میں گزرنا چاہئے تاکہ خالق کائنات کی راضی کیا جاسکے موت برحق ہے اور ہر ذی روح کو اسکا سامنا کرنا ہے ہمیں اپنی آخرت کی تیاری پر دھیان دینا ہوگا تاکہ اللہ تعالیٰ کے حضور سرخرو ہوسکیں۔