حرمین شریفین میں برکتوں سے جھولیاں بھری جاتی ہیں: رضا ثاقب مصطفائی

گوجرانوالہ(نمائندہ خصوصی) حرمین شریفین ،مکہ،مدینہ جہاں سعادتوں برکتوں سے جھولیاں بھری جاتی ہیں اور جہاں مقدر جاگ جاتے ہیں۔ ان خیالات کا اظہارعالمی مبلغ اسلام پیر زادہ محمد رضا ثاقب مصطفائی نے حج بیت اللہ و حاضری مدینہ منورہ کی سعادت حاصل کرنے کے بعد وطن واپسی پر مرکز مصطفٰے میں سنی تحریک کے ڈویژنل صدر حافظ طاہر رضاقادری کی قیادت میں مبارکباد دینے کے لئے آئے  وفد سے ملاقات کے موقع پر اظہار خیال کرتے ہوئے کیا۔وفد میںضلعی صدر ڈاکٹر حبیب الرحمان رضوی چئیر مین علما بورڈ سید عرفان شاہ مجددی،سید کاشف شاہ مجددی شامل تھے اس موقع پر محمد یعقوب فریدی بھی موجود تھے۔ سنی تحریک کے ڈویژنل صدر حافظ طاہر رضاقادری اور وفد کے شرکاء نے پیر زادہ محمد رضا ثاقب مصطفائی کو مبارکباد اور گلدستہ پیش کیا ۔ اس موقع پر گفتگو کرتے ہوئے پیرزادہ رضا ثاقب نے کہا کہ مکہ مدینہ جہاں روح کی آلائشیں ختم ہو جاتی ہیں۔التجائیں آنسووں کا روپ دھار لیتی ہیں جہاں امن ہے سلامتی ہے محبت و احترام ہے اس میں امت کے لیے بہت بڑا پیغام ہے۔