کراچی (نیوز رپورٹر)کراچی میں مون سون کا تیسرا اسپیل بھی شہریوں کیلئے خوفناک ثابت ہوا ہے۔ تین روز کے دوران مختلف حادثات میں مجموعی طور پر 17 افراد کی جان گئی، 3 روز سے جاری برسات کے دوران کرنٹ لگنے اور ڈوبنے کے واقعات زیادہ رونما ہوئے، بارش کے باعث سب سے زیادہ حادثات پیر 25 جولائی کو پیش آئے جس میں 12 افراد جاں بحق ہوئے۔ شہر میں تین روز کے دوران کرنٹ لگنے سے 11 گیارہ افراد کی جانیں گئیں، مختلف مقامات پر بارش کے بعد سیلابی ریلوں میں ڈوبنے کے باعث 5 افراد جان سے گئے۔