کامن ویلتھ گیمز میں پاکستان کی پہلی باکسر خاتون مہرین بلوچ پاکستان کی نمائندگی کریں گی

کامن ویلتھ گیمز میں پہلی بار پاکستان کی خاتون باکسر شرکت کر رہی ہیں، مہرین بلوچ برمنگھم گیمز میں پاکستان کی نمائندگی کریں گی۔مہرین نے کہا ہے  محمد علی کو دیکھ کر باکسنگ شروع کی مگر ان کی بیٹی لیلیٰ علی نے سب سے زیادہ متاثر کیا، اولمپک میں کچھ کر دکھانا میرا ہدف ہے۔ کہا کہ جنوبی ایشیا، ایشیا یا کامن ویلتھ گیمز پر نہیں رکنا اولمپکس تک جانا ہے، کامن ویلتھ گیمز کیلئے محنت اور تیاری کی ہے، پہلی اور  واحد خاتون ہونے کا پریشر ہے مگر اچھا رزلٹ دوں گی۔مہرین بلوچ کا  مزیدکہنا ہے کہ کامن ویلتھ گیمز میں پہلی پاکستانی خاتون باکسر کےطور پر شرکت کرنا فخر کی بات ہے، اپنے احساسات الفاظ میں بیان نہیں کرسکتی۔