پشاور (نیٹ نیوز) چین سے تعلق رکھنے والی لڑکی سوشل میڈیا پر بننے والے دوست سے ملنے پاکستان پہنچ گئی۔ ڈی پی او دیر لوئر ضیاء الدین کے مطابق باجوڑ کے رہائشی جاوید سے شادی کی خواہش مند چینی لڑکی لوئر دیر کے علاقے ثمر باغ پہنچی۔ ڈی پی او نے مزید کہا کہ جاوید اور چینی لڑکی گزشتہ 3 برس سے سنیپ چیٹ کے ذریعے رابطے میں تھے۔ چینی لڑکی کو مکمل سکیورٹی فراہم کردی گئی ہے اور سکیورٹی وجوہات کے باعث چینی لڑکی کو نقل وحرکت کی اجازت نہیں ہے۔ چینی لڑکی 3 ماہ کے وزٹ ویزے پر پاکستان آئی ہے۔