ورلڈ سکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا

لاہور(سپورٹس رپورٹر)ورلڈ سکریبل چیمپئن شپ میں پاکستان کے عنایت اللہ نے لیٹ برڈ ٹورنامنٹ جیت لیا۔امریکہ میں ہونیوالی ورلڈ سکریبل چیمپئن شپ میں لیٹ برڈ ٹورنامنٹ عالمی چیمپئن شپ کے آخری روز کھیلا گیا جس میں عنایت اللہ ٹورنامنٹ میں ناقابل شکست رہنے والے واحد کھلاڑی تھے۔عنایت اللہ نے ٹورنامنٹ میں سابق ورلڈ چیمپئن کینیڈا کے جوئیل ویپنک کو بھی شکست دی۔ٹورنامنٹ میں نائیجیریا کے ایڈ تومیوا نے دوسری اور انگلینڈ کی سنبل صدیقی نے تیسری پوزیشن حاصل کی۔واضح رہے اس سے قبل ورلڈ سکریبل چیمپئن شپ میں پاکستان کے حماد ہادی نے ڈائمنڈ کیٹیگری جیتی، جس میں انہوں نے پہلی پوزیش حاصل کرتے ہوئے 24 میں سے 21 گیمز جیتے۔