برطانیہ کے پولیس ڈیپارٹمنٹ میں افسران کی قلت،9ہزار سے زائد مستعفی

برطانیہ میں پولیس افسران کی جانب سے ریکارڈ تعداد میں استعفے موصول ہوگئے ہیں جس کی وجہ سے محکمہ پولیس میں عملے کی قلت پیدا ہو گئی ہے۔برطانوی اخبارات دی انڈیپنڈنٹ اور ایوننگ اسٹینڈرڈ کے مطابق کل 9 ہزار 200 افسران نے اس سال مارچ تک پولیس سروس چھوڑ دی ہے۔میڈیا رپورٹ کے مطابق تنخواہوں اور شرائط پر تحفظات کی وجہ سے پولیس فیڈریشن نے بھرتی برقرار رکھنے سے بھی خبردار کر دیا ہے۔رپورٹ کے مطابق برطانیہ کے محکمہ پولیس میں رضاکارانہ طور پر استعفے کے ذریعے رخصتی کا تناسب کافی تیزی سے بڑھ رہا ہے۔