ہم پاکستان میں کرکٹ کھیلیں گے: افغان کرکٹرز

 لاہور(سپورٹس رپورٹر)افغانستان کرکٹ ٹیم کے کھلاڑیوں رحمن اللہ گرباز اور محمد نبی نے کہا ہے کہ ہم پاکستان میں کرکٹ کھیلیں گے، معلوم نہیں کہ ہمارے بارے میں جھوٹی خبریں کون پھیلاتا ہے۔دونوں کھلاڑی کینیڈا میں گلوبل ٹی 20 میں مختلف ٹیموں میں کھیل رہے ہیں۔  محمد نبی نے کہا کہ سوشل میڈیا کی ایسی خبروں پر توجہ نہ دیا کریں۔ رحمن اللہ گرباز نے کہا کہ مجھے پاکستانی شائقین نے بڑا پیار دیا ہے، میں پی ایس ایل میں کھیلا ہوں، ہم پاکستان جا کر ضرور کھیلیں گے۔