ڈاکوئوں کا مقابلہ کرنے پر پی ایچ پی ٹیم کو آئی جی پنجاب کی شاباش‘تعریفی اسناد‘انعام سے نوازا

لاہور(نامہ نگار)انسپکٹر جنرل پولیس پنجاب ڈاکٹر عثمان انورنے شاندار کارکردگی پر ایچ پی پولیس ٹیم کی حوصلہ افزائی ہے،آئی جی پنجاب نے شیخوپورہ میں خان پور پوسٹ پر تعینات پی ایچ پی ٹیم کو سنٹرل پولیس آفس مدعو کیااور خطرناک ڈاکوؤں کا بہادری سے مقابلہ کرنے پر خصوصی شاباش دی۔ آئی جی پنجاب ڈاکٹر عثمان انور نے اے ایس آئی ظہیر احمد، کانسٹیبل ساجد علی، ذیشان احمد اور سرفراز کو تعریفی اسناد و انعام سے نوازا، مذکورہ ٹیم نے ڈکیتی سمیت جرائم کی متعدد مقدمات میں مطلوب خطرناک ڈاکو ندیم عرف دیمو کو کیفر کردار تک پہنچایا۔