24گھنٹے میں منشیات فروشوں کے ٹھکانوں پر 339چھاپے ‘196ملزم گرفتار 

لاہور(نامہ نگار)آئی جی پنجاب ڈاکٹر عثمان انور نے بتایا کہ ایک روز میں لاہور سمیت صوبہ بھر میں منشیات فروشوں کے ٹھکانوں پر 399 چھاپے مارے گئے، مکروھ دھندے میں ملوث 196 ملزموں کوگرفتارکرکے 195 مقدمات کا اندراج عمل میں لایا گیا ،ملزموں سے 116 کلو گرام چرس، 2 کلو ہیروئن،1 کلو آئس اور 3891 لٹرز شراب برآمد کی گئی۔آئی جی پنجاب ڈاکٹر عثمان انور نے کہاکہ گذشتہ5 ماہ میں پنجاب بھر میں منشیات فروشوں کے ٹھکانوں پر پولیس ٹیموں کے 38259 چھاپے مارے گئے۔منشیات کے دھندے میں ملوث 18303 ملزمان گرفتار کرتے ہوئے 17798 مقدمات درج کئے گئے، ملزمان  سے 10 ہزار 780 کلو چرس، 57 کلو آئس، 192 کلو ہیروئن، 276 کلو گرام افیون، 17 لاکھ5 ہزار لٹر سے زائد شراب بھی برآمد کی گئی۔