گوجرانوالہ:نہر میں نہاتے ہوئے  2 افراد ڈوب کر جاں بحق

گوجرانوالہ(نمائندہ خصوصی)نہر میں نہاتے ہوئے دو افراد ڈوب گئے ریسکیو کے غوطہ خوروں نے سرچ آپریشن شروع کر دیا تفصیلات کے مطابق حاجی مراد ہسپتال کے قریب اپر چناب نہر میں چالیس سالہ شاہ نواز نے نہانے کے لئے چھلانگ لگائی جو گہرے پانی میں ڈوب گیا اسی طرح اروپ کے قریب نہر میں 32سالہ بابر نہا رہا تھا وہ بھی گہرے پانی میں ڈوب گیا ۔اس بارے علم ہونے پر ریسکیو کے غوطہ خور بھی موقع پر پہنچ گئے جنہوں نے نہروں میں ڈوبنے والے دونوں افراد کی تلاش کے لئے سرچ آپریشن شروع کر دیا تاحال ان کا کوئی سراغ نہیں مل سکا۔