حسینیت ظلم وجبر کے خلاف ڈٹ جانے کانام ہے: ذیشان پرویز

شیخوپورہ(نمائندہ نوائے وقت) مرکزی انجمن تاجران کے صدر میاں ذیشان پرویز اور سینئر نائب صدر احمد خورشید چوہدری نے کہا ہے کہ سیدنا امام حسین ؓ ؓ سے محبت و عقیدت کا تقاضا یہ ہے ہم انکے نقش قدم پر چلنے کا عہد کریں اسی میں ہماری دنیاوی و اخروی کامیابی کا راز مضمر ہے حسینیت ظلم وجبر کے خلاف ڈٹ جانے کانام ہے حضرت امام حسین ؓنے اسلام کی سر بلندی کیلئے جان دے دی لیکن جابریزید کی بیعت نہیں کی، حضرت سیدنا امام حسینؓ کی سیرت کو اختیار کرکے ہم دنیا و آخرت کی کامیابیاں اور بھلائیاں حاصل کرسکتے ہیں دوسری طرف اس سے محبت، امن، بھائی چارے کی فضا کو بھی فروغ دیا جاسکتا ہے،ان خیالات کا اظہار انہوں نے چیئرمین حاجی یعقوب بگا شیخ،نائب صدر شیخ عظیم جاوید، جنرل سیکرٹری ملک پرویز اقبال، صدر گلی ککے زئیاں راناعمران سکندر، صدر اکبر بازار شیخ محمد عباس، صدر پرانا اڈہ لاریاں چوہدری ارشد ، جنرل سیکرٹری شیخ عبدالحمید، صدر مدینہ مارکیٹ فیضان شفیق خان اور جنرل سیکرٹری سیٹھ عظیم کے ہمراہ میڈیا سے گفتگو کرتے ہوئے کیا۔