اسلام آباد (وقائع نگار) تحریک انصاف (پی ٹی آئی) نے مخصوص نشستوں کی فہرست الیکشن کمیشن آف پاکستان میں جمع کروا دی۔ پی ٹی آئی کی جانب سے قومی اسمبلی، سندھ، پنجاب اور خیبرپی کے اسمبلیوں کی مخصوص نشستوں کے لیے ارکان کی فہرست جمع کروائی گئی ہے۔ فہرست 67 خواتین اور 11 اقلیتی نشستوں کی فہرست الیکشن کمشن کو جمع کرائی گئی ہے۔ فہرست میں صنم جاوید، عالیہ حمزہ، کنول شوزب، روبینہ شاہین اور سیمابیہ طاہر کو قومی اسمبلی کی مخصوص نشستوں کے لیے نامزد کیا گیا۔ تحریک انصاف نے سینئر رہنما، سابق وزیر صحت پنجاب یاسمین راشد کا نام پنجاب اسمبلی کی مخصوص نشست کیلئے دیا ہے، اس کے علاوہ لال چند ملہی کا نام اقلیتی نشست کے لیے دیا گیا ہے۔