اسلام آباد (نمائندہ خصوصی)صدرِ مملکت اصف علی زرداری کی اپنے نواسوں، میر حاکم اور میر سجاول کے ساتھ جھولا جھولتے ویڈیو وائرل ہو گئی۔یاد رہے کہ جمعہ کوپاکستان کے مشہور، سینئر سیاستدان و صدر آصف علی زرداری کی 69ویں سالگرہ تھی،صدر اصف علی زرداری کی سب سے بڑی صاحبزادی بختاور بھٹو نے والد کو سالگرہ کی مبارکباد پیش کرتے ہوئے دلچسپ ویڈیو شیئر کی ہے۔ویڈیو میں دیکھا جاسکتا ہے کہ صدر اصف علی زرداری ناصرف نواسوں کے ساتھ بیٹھے کسی سنجیدہ موضوع پر محوِ گفتگو ہیں بلکہ اپنے نواسوں کے ساتھ باغیچے میں جھولا بھی جھول رہے ہیں۔بختاور بھٹو زرداری نے یہ ویڈیو شیئر کرتے ہوئے کیپشن میں لکھا ہے کہ ’بابا سے لے کر نانا بابا تک، سالگرہ مبارک ہو۔‘دوسری جانب اصف علی زرداری کی چھوٹی صاحبزادی آصفہ بھٹو زرداری رکنِ قومی اسمبلی، خاتونِ اول نے بھی اپنے والد کے ماضی کی ایک ویڈیو شیئر کرتے ہوئے اْنہیں سالگرہ کی مبارکباد دی ہے۔