لورالائی:مسافربس الٹنے سے2افراد جاں بحق ،13زخمی

 لورالائی میں مسافر بس الٹنے سے 2 افراد جاں بحق اور13 زخمی ہوگئے۔ ریسکیو حکام کے مطابق واقعہ ڈی جی خان روڈ شیر جان کڈی کے مقام پر پیش آیا۔ریسکیو حکام کے مطابق جاں بحق افراد کی لاشیں اور زخمیوں کو ٹیچنگ ہسپتال لورالائی منتقل کر دیا گیا جبکہ زخمیوں کی حالت خطرے سے باہر ہے۔علاوہ ازیں حادثے کے بعد لوگوں کی بڑی تعداد پہنچ گئی اور ابتدائی طور پر اپنی مدد آپ کے تحت مسافر کوچ میں پھنسے افراد کو نکلنے کی کوششیں کی۔بعدازاں پنجاب کے ریسکیو عملہ جائے حادثہ پر پہنچ گیا اور امدادی سرگرمیاں شروع کردیں  اور حادثے میں معمولی زخمیوں کو فوری طبی امداد فراہم کی۔