اسلام آباد ہائیکورٹ میں آئندہ ہفتے کیسز کی سماعت کر نیوالے ججز کا ڈیوٹی روسٹر جاری

اسلام آباد ہائی کورٹ میں آئندہ ہفتے کیسز کی سماعت کرنے والے ججز کا ڈیوٹی روسٹر جاری کر دیا گیا۔چیف جسٹس اسلام آباد ہائی کورٹ عامر فاروق کی ہدایت پر ڈپٹی رجسٹرار نے ججز ڈیوٹی روسٹر جاری کر دیا۔آئندہ ہفتے 29 جولائی سے 2 اگست تک 6 ججز دستیاب ہوں گے جبکہ جسٹس محسن اختر کیانی کی تعطیلات کے بعد واپسی ہو گئی ۔جسٹس محسن اختر کیانی 30 جولائی کو لاپتہ افراد کیسز کی سماعت کے لیے لارجر بینچ کی سربراہی کریں گے۔آئندہ ہفتے کیسز کی سماعت کے لئے 6 سنگل اور 3 ڈویژن بینچز تشکیل دیئے گئے ۔جسٹس ثمن رفعت امتیاز 29 جولائی سے 31 جولائی تک کیسز کی سماعت کریں گی۔جسٹس سردار اعجاز اسحاق خان اور جسٹس بابر ستار تاحال موسم گرما کی تعطیلات پر ہیں،آئندہ ہفتے ضرورت کے پیش نظر خصوصی ڈویژن بینچ اور لارجر بینچ بھی دستیاب ہو گا۔