لاہور بھاٹی گیٹ پرکارکنوں سے خطاب کرتے ہوئے رہنما مسلم لیگ ن حمزہ شہباز کا کہنا تھا کہ عمران خان صاحب لاہور نے 2013 میں بھی آپ کو کچھ نہیں دیا اور 2018 میں بھی لاہور سے آپ کو کچھ نہیں ملے گا، لاہور میں میٹرو بس چل رہی ہے،اورنج ٹرین کا افتتاح ہوگیا ہے، پشاورکی میٹروبس کا حال دیکھیں، یہ ہےعمران خان صاحب کا نیا پاکستان، عمران خان صاحب صرف بھاشن دیتے ہیں،بھاشن سے کچھ نہیں ہوتا، آپ کوپنجاب کے ہر ضلع میں نئی سڑکیں نظر آئیں گی۔ ان کا کہنا تھا کہ ہم نے لوڈ شیڈنگ کے جن کو بوتل میں بند کرنے کا وعدہ پورا کیا، پچیس جولائی کا دن یوم حساب ہوگااور اس دن نہ صرف پنجاب بلکہ تمام صوبوں میں مسلم لیگ ن جیتے گی۔