حکومتی وفد کی پھر شاہ زین بگٹی سے ملاقات، بجٹ کیلئے دوبارہ حمایت مانگ لی

اسلام آباد (نوائے وقت رپورٹ) وفاقی حکومت نے ایک بار پھر شاہ زین بگٹی سے بجٹ کی منظوری کیلئے حمایت مانگ لی ہے۔ ذرائع کے مطابق زین بگٹی نے مطالبات کی منظوری کیلئے وزیراعظم کے ایگزیکٹو آرڈر جاری کرنے کا مطالبہ کیا ہے۔ حکومتی وفد نے جمہوری وطن پارٹی کے سربراہ شاہ زین بگٹی سے ملاقات کی۔ حکومتی وفد میں پرویز خٹک‘ اسد عمر‘ عمر ایوب اور قاسم سوری شامل تھے۔ ذرائع کا کہنا ہے کہ حکومت نے ایک بار پھر شاہ زین بگٹی سے بجٹ کی منظوری کیلئے حمایت مانگ لی جبکہ شاہ زین بگٹی نے حکومت کی جانب سے وعدوں کی عدم تکمیل پر تحفظات کا اظہار کیا تھا۔ ذرائع کا کہنا ہے کہ شاہ زین بگٹی نے مطالبات کی منظوری کیلئے وزیراعظم کے ایگزیکٹو آرڈر جاری کرنے کا مطالبہ کیا ہے۔ شاہ زین بگٹی نے کہا کہ 2 دن میں مطالبات منظور نہ کئے تو حکومت سے علیحدگی اختیار کریں گے۔