قصور‘ پتوکی میں وارداتیں‘ شہری لاکھوں کی نقدی ‘ زیورات سے محروم

قصور+پتو کی (نمائندہ نوائے وقت+نمائندہ خصوصی) ڈاکووں نے لاکھوں کی نقدی و دیگر سامان لوٹ لیا۔پرانی منڈی پتوکی کے قریب چار ڈاکو ملک مقبول کے گھر داخل ہوئے اور اہلخانہ کو یرغما ل بنا کر ساڑھے چھ لاکھ روپے اورطلائی زیورات‘ موبائل لے گئے اور جاگو والا چک 40 کے قریب ڈاکووں نے گاڑی سوارنزیر احمد اور عثمان احمد سے ایک لاکھ ستاسی ہزار کی نقدی لوٹ لی جبکہ جمبر موڑ کے قریب واقع الیکٹرک کی دوکان پر دو ڈاکو آئے اور دوکاندار سلمان سے چالیس ہزا ر کی رقم لوٹ کر فرار ہوگئے۔