اسکاٹ لینڈمیں چاقو حملہ،تین افراد ہلاک، پولیس افسر زخمی

اسکاٹ لینڈ میں چاقو حملے کے نتیجے میں 3 افراد ہلاک ہوگئے، جبکہ ایک پولیس افسر زخمی ہوا ہے، برطانوی میڈیا کے مطابق چاقو حملے کا واقعہ اسکاٹ لینڈ کے علاقے گلاسگو میں پیش آیا۔ برطانوی میڈیا نے اس حوالے سے کہا کہ اسکاٹش پولیس فیڈریشن نے چاقو حملے میں آفیسر کے زخمی ہونے کی تصدیق کی ہے۔دریں اثنا گلاسگو پولیس کا کہنا تھا کہ مشتبہ حملہ آور کو گولی مار دی گئی ہے۔چاقو حملہ گلاسگو میں ویسٹ جارج اسٹریٹ پر پیش آیا۔گلاسگو پولیس کا کہنا تھاکہ ویسٹ جارج اسٹریٹ عوام کیلئے بند ہے اور صورت حال قابو میں ہے۔