کراچی(اسپورٹس رپورٹر) الصغیر ہاکی کلب کے زیر اہتمام مظہر جبلپوری انٹرا اکیڈمی سیون اے سائیڈ ہاکی لیگ اتوار 27 جولائی سے شروع ہوگی، لیگ کے میچز نارتھ کراچی سیکٹر الیون اے ہاکی اسٹیڈیم میں کھیلے جائینگے، الصغیر ہاکی کلب کے انڈر 14 کھلاڑیوں پر مشتمل چھے ٹیمیں شرکت کرینگی جنہیں کلب کے سینئر کھلاڑیوں کے ناموں سے منصوب کیا گیا ہے ٹیموں کے نام اسطرح ہیں، صابر ٹائیگرز، تبسم پینتھر، امتیاز ڈولفن ، علی ایگلز، شعیب لائنز اور عظیم فیلکن. لیگ کا افتتاحی میچ صابر ٹائیگرز اور عظیم فیلکنز کی ٹیموں کے مابین اتوار کو شام ساڑھے چار بجے کھیلا جائیگا، افتتاحی تقریب کے مہمان خصوصی نارتھ کراچی ایسوسی ایشن آف ٹریڈ اینڈ  انڈسٹریز کے صدر فیصل معیز خان ہونگے جبکہ سابق صدر اختر اسماعیل اور نائب صدر نعیم حیدر بھی انکے ہمراہ ایونٹ کا افتتاح کرینگے. افتتاحی روز تین میچز ہونگے جبکہ ایونٹ کا فائنل 18 جولائی کھیلا جائے گا. اس ضمن میں آرگنائزنگ کمیٹی کا اعلان کردیا گیا ہے، سید صغیر حسین چئیرمین، جنید اسلم سیکریٹری اور ممبران میں عمران محمود، انعام الرحمن، فہد خان، عبدالصمد ، محمد فیاض اور ذیشان حسین شامل ہیں.. ٹیکنیکل کمیٹی میں رائو بلال ٹورنامنٹ ڈائریکٹر، شوذب رضا اسسٹنٹ ڈائریکٹر، ٹیکنیکل آفیسرز میں راحیل خان، عارف حنیف، فیصل جاوید اور علی سلمان شامل ہیں. کامران رئیس، ارج حسین اور کامران اطہر کو امپائر مقرر کیا گیا ہے.