لاہور(وائس آف ایشیا)انسٹاگرام پر حسن علی اور شاداب خان کی ٹک ٹاک ویڈیو گردش کررہی ہے جس میں دونوں کرکٹرز عام سے حلیے میں موجود ہیں۔ویڈیو میں حسن علی پنجابی لہجے میں لپ سنکنک کرتے ہوئے پوری ٹک ٹاک کو چیلنج کرنے کی کوشش کررہے ہیں تاہم ان کے لفظ ان کا ساتھ نہیں دے پارہے، حسن علی کا کہنا ہیکہ پوری ٹک ٹاک نوں چیلنگ ہے۔حسن علی کے چیلنج کو چیلنگ کہنے پر شاداب خان درمیان میں انہیں ٹوکتے ہوئے ان کی تصحیح کرتے ہیں اور کہتے ہیں بھائی چیلنج چیلنج تاہم شاداب کے دو بار ٹوکنے پر بھی حسن علی چیلنج کو چیلنگ ہی کہتے دکھائی دے رہے ہیں۔یہی چیلنج تیسری بار دہرانے پر حسن علی صحیح لفظوں کو غلط کہتے سنے جاسکتے ہیں جب کہ حسن علی دوبارہ کوشش کرتے ہیں لیکن پھر بھی وہ یہ چیلنج نہیں دے پاتے اور پھر ویڈیو کے اختتام پر دونوں ایک زوردار قہقہہ بھی لگاتے ہیں۔خیال رہے کہ دونوں کرکٹرز اس سے قبل بھی  سوشل میڈیا پر اپنے مزاحیہ پیغامات اور نوک جھوک کے باعث خاصے  مقبول ہیں۔