لاہور (وقائع نگار) شہر میں چوری اور ڈکیتی کی متعدد وارداتوں میں ڈاکوئوں اور چوروں نے شہریوں کو لاکھوں روپے مالیت کی نقدی زیورات اور دیگر قیمتی اشیا سے محروم کر دیا۔ تفصیلات کے مطا بق گلشن راوی کے علاقے میں مسلح ڈاکو مشہور فارمیسی میں گھس کرگن پوائنٹ پر عملے اور گاہکوں کو یرغمال بنا کر ہزراوں روپے جنوبی چھائونی کے علا قہ میں مستقیم  کی فیملی کو یرغمال بنا کر 7لاکھ ہزار40ہزار مالیت کی نقدی اور طلائی زیورات اور موبائل فون لیکر فرار ہو گئے۔ مصطفیٰ ٹائون کے علاقہ میں حیدر علی کی فیملی کو یرغمال بنا کر 5لا کھ 10ہزار مالیت، شفیق آباد ہاشم کی فیملی سے گن پوائنٹ پر 3لا کھ  روپے مالیت کے طلائی زیورات، نقدی اور موبائل فون چھین کر فرار ہو گئے۔ جبکہ گڑھی شاہو  کے علاقہ میں  احمد مختار کی فیملی سے ڈاکوگن پوائنٹ پر 80ہزار کی نقدی، طلائی زیورات، اسلام پورہ میں جنید بٹ سے گن پوائنٹ پر  76ہزار نقدی، گوالمنڈی کے علاقہ میں ڈاکو  عقیل سے 32ہزار نقدی اور موبائل فون، باٹا پور  کے علا قہ میں ڈاکو مفخر سے 75ہزار کی نقدی اور موبائل فون چھین کر فرار ہو گئے  جبکہ    ڈیفنس بی، گلشن راوی اور گارڈن ٹائون سے3  گاڑیاں اور مناواں، راوی روڈ، نواب ٹائون اور ٹبی سٹی سے4 موٹر سائیکلیں چوری کر لیں گئیں۔