لاہور(سپورٹس رپورٹر)پاکستان کے اوپنر شان مسعود انگلش کاؤنٹی چیمپئن شپ میں ڈریم رن سکور کر کے رواں سیزن میں ہزار رنز بنانے والے پہلے کھلاڑی بن گئے۔قومی اوپنر نے ہزار رنز بنانے کا کارنامہ صرف بارہ اننگز میں انجام دیا۔2022ء کلینڈر ایئر میں شان کے دوہزار رنز بھی مکمل ہو گئے۔ پی ایس ایل میں چار سو اٹھہتر، ٹی ٹونٹی بلاسٹ میں پانچ سو سولہ اور کاؤنٹی چیمپئن شپ میں ایک ہزار سینتیس رنز بناچکے ہیں۔ شان مسعود یکم جولائی کو ڈربی میں شیڈول ٹی ٹونٹی وارم اپ میچ میں بھارت کیخلاف ڈربی شائر کے کپتان ہوں گے۔