انگلش کرکٹر بین فوکس کرونا کا شکار‘تیسرے ٹیسٹ سے آئوٹ 

لاہور(سپورٹس ڈیسک ) انگلینڈ کے وکٹ کیپر بین فوکس کرونا وائرس میںمبتلا ہو کر نیوزی لینڈ کیخلاف تیسرے ٹیسٹ کے آخری دو دنوں کیلئے باہر ہو گئے ہیں۔29 سالہ فوکس ہفتے کے روز ہیڈنگلے میں تیسرے دن وکٹ کیپنگ نہیں کر سکے کیونکہ اس کی جگہ جونی بیئرسٹو نے دستانے لے لیے تھے۔انگلینڈ کا کہنا ہے کہ مزید طبی معائنے کے بعد اس کا کرونا ٹیسٹ مثبت آیا ہے۔کینٹ کے سیم بلنگز اب فوکس کی جگہ  متبادل کے طور پر لیں گے۔اگرچہ سیریز کرونا وائرس کے بائیو ببل سکیور ماحول میں نہیں کھیلی جا رہی ہے لیکن اگر کسی کرکٹرکا کروناٹیسٹ  مثبت آتا ہے تو اسے سکواڈ سے الگ کرکے قرنطینہ میں بھیج دیا جاتا ہے ۔