جدہ ‘ ریاض‘ مدینہ  منورہ ‘اسلام آباد (امیر محمد خان سے‘ ممتاز احمد بڈانی‘ جاوید اقبال بٹ ‘خبر نگار خصوصی) سعودی عرب کے ولی عہد شہزادہ محمد بن سلمان بن عبدالعزیز نے جدہ میں پاکستانی فوج کے کمانڈر لیفٹیننٹ جنرل قمر جاوید باجوہ کا استقبال کیا۔ استقبالیہ کے دوران، انہوں نے مشترکہ دلچسپی کے متعدد امور کے علاوہ دوطرفہ تعلقات، خاص طور پر عسکری شعبوں میں انہیں فروغ دینے کے مواقع کا جائزہ لیا۔ اور خادم الحرمین  شریفین  شاہ سلمان بن عبدالعزیز آل سعود کے حکم پر عمل درآمد کرتے ہوئے  ولی عہد محمد بن سلمان بن عبدالعزیز  نے پاک فوج کے کمانڈر کو  سعودی عرب کا اعزاز شاہ  عبدالعزیز میڈل عطا کیا، اور دوستی اور مشترکہ تعاون کے بندھنوں کو مضبوط اور مستحکم کرنے اور سعودی پاکستان تعلقات کو فروغ دینے میں ان کی نمایاں کوششوں کو سراہا۔ استقبالیہ میں  شہزادہ خالد بن سلمان بن عبدالعزیز، نائب وزیر دفاع،  چیف آف جنرل سٹاف لیفٹیننٹ جنرل فیاض الروائلی، اسسٹنٹ منسٹر آف ڈیفنس فار ایگزیکٹو امور ڈاکٹر خالد البیاری، ڈائریکٹر جنرل نے شرکت کی۔ وزیر دفاع ڈاکٹر ہشام الشیخ کے دفتر کے جنرل اور پاکستان میں سعودی عرب کے سفیر  نواف المالکی بھی موجود تھے۔ جبکہ پاکستانی وفد میں پاکستان  کے سفیر امیر خرم راٹھور، آرمی کمانڈر میجر جنرل محمد عرفان کے سیکرٹری اور پاکستانی ملٹری اتاشی بریگیڈیئر جنرل محمد عاصم نے شرکت کی۔ جنرل قمر جاوید بادوہ ہفتہ کو سعودی عرب کے دورے پر پہنچے تھے۔ سعودی ولی عہد اور پاکستان کے  آرمی چیف نے ملاقات بھی کی اور دوطرفہ تعلقات کا جائزہ لیا۔ خاص کر فوجی شعبوں اور ان کو ترقی دینے کے مواقع پر۔ اس کے علاوہ انہوں نے مشترکہ دلچسپی کے کئی مسائل پر بھی بات چیت کی۔ دریں اثنا ایک ٹویٹ میں وزیراعظم شہبازشریف نے آرمی چیف جنرل قمر باجوہ کو سعودی عرب کی جانب سے کنگ عبدالعزیز میڈل نوازے جانے پر مبارکباد دی ہے۔ وزیراعظم شہبازشریف  کا ٹوئٹر پیغام میں کہنا تھا کہ یہ عوام اور مسلح افواج کیلئے بہت بڑا اعزاز ہے۔ سعودی عرب کی سلامتی کو پاکستان کی سلامتی تصور کرتے ہیں۔ دوطرفہ تعلقات مزید مضبوط بنانے کے عزم کا اعادہ کرتے ہیں۔ دریں اثناء پاک فوج کے شعبہ تعلقات عامہ (آئی ایس پی آر)کی جانب سے جاری بیان میں بتایا گیا ہے کہ سعودی عرب کے سرکا ری  دورے کے دوران جنرل قمر جاوید باجوہ نے ولی عہد شہزادہ محمد بن سلمان اور جدہ میں سعودی مسلح افواج کے چیف آف جنرل سٹاف (سی جی ایس) جنرل فیاض بن حمید الرویلی سے ملاقاتیں کیں۔ آرمی چیف نے کہا کہ پاکستان سعودیہ  کے ساتھ اپنے تاریخی اور برادرانہ تعلقات کو قدر کی نگاہ سے دیکھتا ہے اور اسلامی دنیا میں اس کے منفرد اور نمایاں مقام کو تسلیم کرتا ہے۔ ملاقات کے دوران فریقین نے مشترکہ تربیت، فضائی دفاع، انسداد دہشت گردی، مواصلات اور معلومات کے شعبوں میں دفاعی تعاون بڑھانے پر اتفاق کیا۔ آئی ایس پی آر کے مطابق فریقین نے خطے میں مسلم امہ کے اتحاد کے داعی اور اس بڑی ذمہ داری کے اہم کردار کے طور پر پائیدار سٹرٹیجک شراکت داری میں دوستانہ تعلقات اور بھائی چارے کے گہرے جذبات کو مزید بڑھانے پر بھی اتفاق کیا۔ شہزادہ محمد بن سلمان نے جنرل قمر جاوید باجوہ کو دوستی اور مشترکہ تعاون کے بندھن کو مزید مضبوط و مستحکم بنانے اور پاک-سعودی عرب تعلقات کو فروغ دینے میں نمایاں کاوشوں پر کنگ عبدالعزیز میڈل آف ایکسیلنٹ کلاس سے نوازا۔ اس موقع پر سعودی شہزادہ خالد بن سلمان بن عبدالعزیز، چیف آف جنرل سٹاف لیفٹننٹ جنرل فیاض الرویلی اور دونوں ممالک کے اعلی حکام