خیرپور( بیورو رپورٹ)بلاول بھٹو کی جو حکمت عملی ہے اس کے تحت پاکستان پیپلزپارٹی پورے سندھ میں سوئپ کریگی۔ یہ بات پاکستان پیپلزپارٹی کی رکن قومی اسمبلی ڈاکٹر سیدہ نفیسہ شاہ نے بلدیاتی انتخابات کے سلسلے میں اپنا ووٹ کاسٹ کرنے کے بعد نوائے وقت سے بات چیت کرتے ہوئے کہی۔ لوگوں کی بڑی تعداد پیپلزپارٹی کو ووٹ دے رہی ہے پیپلز پارٹی میونسپل کاپوریش میونسپل کمیٹیاں ٹائون کمیٹیاں یونین کونسلوں میں بھاری تعداد میں جیت کر یہ ثابت کردے گی کہ پیپلزپارٹی آج بھی عوام کے دلوں میں زندہ ہے۔ انہوں نے کہاکہ خیرپورضلع بھی پیپلزپارٹی کا قلعہ ہے اور رہے گا۔