ملتان (جنرل رپورٹر)القادر سپر لیگ ٹی 20 کرکٹ ٹورنامنٹ میں کھیلے گئے میچز میں القاسم کلب اور خدا داد جمخانہ کلب کامیابی حاصل کی پہلے میچ میں القاسم کلب نے پہلے کھیلتے ہوئے 150 رنز بنائے۔محمد عامر نے 47 عرفان ڈوگر 24 اور عامر شاکر نے 23 رنز بنائے۔بعد میں کھیلتے ہوئے بولان کلب 138 رنز بنا سکی۔القاسم کی طرف سے باؤلنگ میں اسد، عبدالمنان اور عمر حیات نے 2،2 وکٹیں حاصل کیں۔ مین آف دی میچ محمد عامر قرار پائے۔ مہمان خصوصی محمد علی تھے ۔دوسرے میچ میں پاک عرب کلب نے پہلے کھیل کر 125 رنز بنائے۔ ذکاء اللہ 36 سعادت 17 رنز بنائے خداداد جمخانہ کی طرف سے باؤلنگ میں فرحان خان 4 وسیم شاہ اور محمد اصغر نے 2,2 وکٹیں حاصل کیں۔ بعد میں کھیلتے ہوئے خداداد جمخانہ نے مطلوبہ سکور 6 وکٹوں کے نقصان پر پورا کرلیا۔قیوم شہزاد 37 وسیم شاہ 34 فرحان خان نے 18 رنز بنائے۔میں آف دی میچ فرحان خان قرار پائے۔