گوجرہ: ہوٹل پر کام کرنے والے 13 سالہ بچے ک پھندے سے لٹکتی نعش برآمد

گوجرہ (نمائندہ نوائے وقت) گوجرہ میں ہوٹل پر کام کرنے والے 13 سالہ بچے کی پھندے سے لٹکتی نعش برآمد کرلی، پولیس نے نعش تحویل میں لے کر ہسپتال منتقل کر دی۔ تفصیلات کے مطابق گوجرہ کے نواحی چک نمبر 243 گ ب کلیان پور کے شبیرحسین کا 13 سالہ بیٹا محمد عباس جھنگ روڈ گوجرہ پر سٹیڈیم کے قریب حافظ عدنان کے ہوٹل پر ملازمت کرتا تھا جو رات کے اوقات میں کام سے فارغ ہو کر ہوٹل پر دیگر لڑکوںکے ساتھ سویا ہوا تھا کہ صبح کے وقت دیگر لڑکے اپنے کام پر چلے گئے جب ہوٹل کا مالک وہاں آیا تو عباس کی نعش چھت کے پنکھے کے ساتھ پھندے سے لٹکتی ہوئی پائی گئی اطلا ع ملنے پر تھانہ سٹی پولیس گوجرہ نے نعش تحویل میں لے کر تحصیل ہیڈ کوارٹرز ہسپتال منتقل کی اور پوسٹ مارٹم کے بعد ورثاء کے حوالے کر دی۔ ذرائع کے مطابق پولیس نے عباس کے چچا زادبھائی خلیل کو حراست میں لے کر پوچھ گچھ کا سلسلہ شروع کر رکھا ہے۔