بھارت: باراتیوں کی بس کو حادثہ ، 12افراد ہلاک، 7زخمی

نئی دہلی(اے پی پی) بھارتی ریاست اڑیسہ میں دو بسوں کے تصادم  کے نتیجے میں ایک ہی خاندان کے 7 افراد سمیت12افراد ہلاک اور 7 زخمی ہو گئے۔ چینی خبر رساں ادارے کے مطابق یہ حادثہ اوڑیسہ کیدارالحکومت بھوبنیشورکے ضلع گنجم میں اس وقت پیش آیا جب بس ان افراد کو  شادی کی تقریب میں شرکت کے بعد  گھر واپس لے جارہی  تھی کہ  دیگاپاہنڈی کے قریب  دوسری بس سے ٹکرا گئی۔ حادثے کے ہلاک اور زخمیوں کو قریبی ہسپتال منتقل کر دیا گیا ہے۔ حادثے کی وجہ فوری طور پر معلوم نہیں ہو سکی۔