الکہف ایجوکیشنل فاؤنڈیشن کی جانب سے میوہسپتال کے مریضوں کو فلومیٹرز کا عطیہ

لاہور (خصوصی نامہ نگار )الکہف ایجوکیشنل فاؤنڈیشن کے چیئرمین پیرحافظ محمد ابراہیم نقشبندی نے شیخ محمد سلیم نقشبندی اور امجد بھٹی کے ہمراہ میو ہسپتال لاہور کا دورہ کرتے ہوئے ینگ ڈاکٹرز کے جنرل سیکرٹری ڈاکٹر سلمان کاظمی سے ملاقات کی۔حافظ محمد ابراہیم نقشبندی نے مریضوں کی عیادت کی اور الکہف ایجوکیشنل فاؤنڈیشن کی جانب سے ہسپتال کو فلومیٹرز کا عطیہ دیا۔انہوں نے ٹی بی ڈیپارٹمنٹ کے ہیڈ ڈاکٹر محمد آصف سے بھی ملاقات کی۔