لاہور (نامہ نگار) تھانہ لٹن روڈ کی حدود کچا فیروزپور روڈ پر چوروں اور ڈاکوؤں کا راج۔ اردو اور پنجابی کے شاعر، ادیب، محقق ایم آر شاہد قبرستان میانی صاحب والدین کی قبروں پر فاتحہ خوانی کیلئے بھانجے عمران اشفاق کیساتھ موٹر سائیکل پر گئے۔ قبرستان سے دس منٹ بعد باہر آئے تو موٹر سائیکل غائب تھی‘ بہت تلاش کی‘ نہ ملنے پر 15 پر کال چلائی ۔تھانہ لٹن روڈ میں ایف آئی آر درج کرائی۔ ابھی تک نہ چور کا پتہ چلا اور نہ ہی موٹر سائیکل کا۔ آئی جی پنجاب سے موٹر سائیکل تلاش کروا کر دینے کی اپیل ہے۔