سکردو (نوائے وقت رپورٹ) گلگت بلتستان کے ضلع سکردو میں جیپ کھائی میں گرنے سے 4 سیاح جاں بحق، 5 زخمی ہو گئے۔ حادثہ بشو کے مقام پر پیش آیا جہاں سیر و تفریح کے لئے سکردو آنے والے سیاحوں کی جیپ موڑ کاٹتے ہوئے بے قابو ہو کر کھائی میں جا گری۔ ریسکیو ٹیموں نے لاشوں اور زخمیوں کو کھائی سے نکال کر ریجنل ہسپتال سکردو منتقل کر دیا ہے۔ ریسکیو ذرائع کے مطابق حادثے میں جاں بحق اور زخمی سیاحوں کا تعلق صوبے پنجاب سے ہے۔