وزیراعلیٰ سندھ سید مراد علی شاہ نےبجٹ سیشن سے خطاب کرتے ہوئے کہا ہے کہ سندھ کے عوام پیپلزپارٹی کی کارکردگی سے مطمئن ہیں۔انہوں نے کہا کہ وفاق نے کتنے پروجیکٹس کی بات کی ساٹھ یا ستر کی ،تین ہزار پانچ سو اسی پروجیکٹ ہم نے پانچ سال میں مکمل کئے ہیں،سپیکر سندھ اسمبلی نے کہا کہ آپ ایک ایک منصوبہ گنوا دیں ان کو یقین نہیں آئے گا ،سپیکر کے جملے پر ایوان میں قہقہےلگ گئے۔    وزیراعلی سندھ سید مراد علی شاہ کا کہنا تھا کہ وفاق کے روڈ خراب ہیں جن پر آپ سفر کرتے ہیں اور تنقید سندھ حکومت پر کرتے ہیں ، سندھ حکومت کے زیر کنٹرول سڑکوں کی صورتحال قدرے بہتر ہے،کوشش ہے کہ ملیر ایکسپریس وے کو چودہ اگست تک قائد آباد تک عام ٹریفک کے لئے کھول دیں ۔انہوں نے کہا کہ وفاق کو کہا ہے کہ لیاری ایکسپریس وے ہمیں دیں تاکہ اس پر ہیوی ٹریفک چلا سکیں ، مگر پتہ نہیں وفاق کو کیا مسئلہ ہے، آپ یہاں بیٹھ کر بس پی پی کی برائی کرتے ہیں ،ہم کام کرتے ہیں اس لئے ووٹ ملتے ہیں ،ابھی تو گزشتہ پانچ برس کے کچھ ترقیاتی منصوبوں پر بات کی ہے ،تھرپار کر میں پیاز کی چار ارب کی کاشت ہوئی ۔متعدد اسمال ڈیمز بنائے کام کیا اور اپنے کام سے اپوزیشن کا صفایا کیا ،تھر میں ایک سیٹ بھی پی پی نہیں جیتی تھی ،اب پی پی نے اپوزیشن کا صفایا کردیا، سندھ اسمبلی میں 33ویں تقرر کر رہا ہوں،اس بار اسمبلی میں سب سے زیادہ تقریریں ہوئی ہیں۔سندھ اسمبلی کے 3ارکان نے حلف نہیں اٹھایا،3معطل ہیں،سینئر ممبران اسمبلی سے بہت کچھ سیکھا ہے، سندھ اسمبلی اپنی لیڈر شپ کے اصولوں کے مطابق چل رہی ہے، محترمہ شہید بینظیر بھٹو نے کہا تھا کہ جمہوریت بہترین انتقام ہے جسے بلاول بھٹو نے کر دکھایا،صدرآصف زرداری اور چیئرمین بلاول بھٹو نے ہمیں بتایا اور سکھایا کہ عوام کی خدمت کس طرح کرنی ہے،کام کر رہے ہیں جس کی وجہ سے ہمیں ووٹ مل رہے ہیں۔سندھ کے عوام پیپلزپارٹی کی کارکردگی سے مطمئن ہیں، اس سال ترقیاتی بجٹ 530ارب روپے ہے،   سندھ کے برعکس صوبہ پنجاب میں ترقیاتی سکیموں کا جال بچھا دیا گیا، پنجاب میں نگران حکومت لمبے عرصے تک رہی،وہ ترقیاتی کام مکمل کرتے رہے،ابھی صرف پچھلے 5سال کے دوران کئے گئے کام آپ کو بتا رہا ہوں۔
وزیر اعلیٰ سندھ نے ویڈیو فوٹیج سے گزشتہ 5سالہ کارکردگی سے متعلق ایوان کو آگاہ کیا اپوزیشن بار بار کہتی ہے کہ سندھ حکومت نے کیا کیا؟اس لئے یہ سب آپ کو دکھا رہا ہوں،گزشتہ 10سالہ دور حکومت کا حساب دینے کو تیار ہوں۔