لیہ (این این آئی) لیہ میں ماں نے غربت سے تنگ آ کر دو بیٹیوں کو زہر دے کر قتل کر دیا۔ اولاد کی جان لینے کے بعد خاتون نے خودکشی کی کوشش کی تاہم اسے بچا لیا گیا۔ ذرائع کے مطابق ہولناک واقعہ لیہ کے علاقے اڈا ریاض آباد میں پیش آیا جہاں بلقیس نامی خاتون نے چار سال کی مقدس اور دو سالہ عشرت کو زہریلی دوا پلا دی۔ بچیوں کی موت کے بعد خاتون نے خود کشی کی کوشش کی تاہم اسے بچا لیا گیا۔ تھانہ کوٹ سلطان میں بلقیس کے خلاف بیٹیوں کے قتل اور اقدام خودکشی کا مقدمہ درج کر لیا گیا۔ ہسپتال میں زیرعلاج بلقیس کا کہنا ہے اس کا شرابی شوہر اسے بدکاری پر مجبور کرتا ہے جس پر اس نے یہ انتہائی قدم اٹھایا۔