لاہور (سپورٹس رپورٹر) چیف آرکیٹیکٹ پنجاب گیمز شروع ہو گئیں۔ گیمزکا افتتاح زاہد جاوید راجہ نے گورنمنٹ کالج کرکٹ گرائونڈ میں کیا۔ عام سائیکل روڈ ریس کے مقابلوں میں محمد عرفان نے پہلی ، گل بخش نے دوسری جبکہ بشارت علوی نے تیسری پوزیشن حاصل کی۔آرم ریسلنگ کے مقابلوں کا افتتاح چیف آرکیٹیکٹ پنجاب زہرہ اشرف نے کیا۔ آرم ریسلنگ سنئیرمقابلوں میں احمد مدثر خان، اشفاق علی، بشارت علوی اور نواز اعوان جبکہ جونئیر آرم ریسلنگ میں عمران مغل، فیصل مجید، شمس الدین اور شجاع نے سیمی فائنل کے لئے کوالیفائی کر لیا۔