آپریشن ضرب عضب میں آرمی میڈیکل کالج راولپنڈی نے شاندار خدمات انجام دیں جنرل راحیل کی سائنٹیفک سمپوزیم میں شرکت

راولپنڈی (نوائے وقت رپورٹ) آرمی چیف جنرل راحیل شریف نے آرمی میڈیکل کالج راولپنڈی کے سائنٹیفک سمپوزیم میں شرکت کی۔ آئی ایس پی آر کے مطابق جنرل راحیل شریف نے ڈاکٹرز اور پیرا میڈیکل سٹاف کی خدمات کو خراج تحسین پیش کیا اور کہا کہ دہشت گردی کے خلاف جنگ میں آرمی میڈیکل کالج عزم و ہمت سے کام لے رہا ہے۔ آپریشن ضرب عضب میں میڈیکل کالج نے شاندار خدمات انجام دیں۔