نظریہ پاکستان ٹرسٹ کے تحت سرسیداحمدخان کے یوم وفات کےموقع پر خصوصی نشست کااہتمام

ایوان کارکنان تحریک پاکستان میں منعقدہ خصوصی نشست سے خطاب میں چیئرمین نظریہ پاکستان ٹرسٹ محمدرفیق تارڑنےکہاکہ زندہ قومیں ہمشیہ اپنےمشاہیرکےکارناموں کوزندہ رکھتی ہیں اوران کے چھوڑے ہوئے نقوش پرعمل درآمدکرکےاقوام عالم میں امتیازی مقام حاصل کرتی ہیں،انہوں نےکہاکہ سرسیداحمدخان کی ملی خدمات کااحاطہ ناممکن ہے،اٹھارہ سوستاون کی جنگ آزادی کے بعدانگریزوں کی جانب سے مسلمانوں پرظلم وستم کے پہاڑ توڑے گئےایسے مشکل وقت میں سرسیداحمد خان نے مسلمانوں کے مفادات جرات سے وکالت کی،سابق صدرمحمدرفیق تارڑنے مزید کہا کہ سرسید ہندووں کےمتعصبانہ رویہ کو جانتےتھے اس لئے انہوں نے مسلمانوں کوآل انڈیا کانگرس کے دام فریب سے دوررہنے اور جدیدتعلیم کے حصول اورمعاشی حالت بہتربنانے کی تاکید کی