جھنگ‘ جامشورو‘ شانگلہ (نوائے وقت رپورٹ+نامہ نگار) جھنگ‘ جامشورو اور شانگلہ میں ٹریفک حادثات میں 13 افراد جاں بحق اور 14 زخمی ہو گئے۔ماچھی سلطان روڈ پر مسافر وین اور ٹریکٹر ٹرالی میں تصادم ہوگیا جس سے 7 افراد جاں بحق اور 10 زخمی ہوگئے۔ جامشورو میں کھانوٹ کے قریب کار الٹنے سے تین افراد جاں بحق اور چار افراد زخمی ہوئے۔ شانگلہ کروڑ مارین کے قریب مزدا گاڑی خان خواڑ دریا میں جاگری۔ تین افراد شیرزادہ‘ عزت مند اور نیاز ولی دریا میں ڈوب کر جاں بحق ہوگئے۔