لاہور(نمائندہ سپورٹس)دوسرے ترک پلاسٹ ویٹرنز گولڈ کپ کرکٹ ٹورنامنٹ کا میچ عامر کیبلز اور وائٹل سٹارز کے درمیان شاہ فیصل کرکٹ گراﺅنڈ پر کھیلا گیا۔ عامر کیبلز نے پہلے بیٹنگ کرتے ہوئے مقررہ 30 اوورز میں 6 کھلاڑیوں کے نقصان پر 266 رنز بنائے۔ ظہور الٰہی نے 72، احمد شہباز 27، شاہد اکرم 31 اور افضل شاہ نے شاندار بیٹنگ کا مظاہرہ کرتے ہوئے 12 چوکوں اور 1 چھکے کے مدد سے 96 رنز ناٹ آﺅٹ بنائے۔ وائٹل سٹارز کی طرف سے سجاد اکبر نے 2/38، عدنان بٹ 1/49، شفقت علی 1/63 اور شبیر خان نے 1/56 وکٹ حاصل کیں۔ جواب میں وائٹل سٹارز 29.4 اوورز میں تمام کھلاڑیوں کے نقصان پر 223 رنز بنا سکی۔ کامران خان نے 65، طارق رمضان 33، شفقت علی 31 اور محمد زاہد نے 20 رنز بنائے۔ عامر کیبلز کی طرف سے شکیل ملک نے 3/46، ریحان رﺅف 2/34، جمشید علی 2/36 اور امیتاز تارڑ نے 1/32 وکٹ حاصل کیں۔ رانا سہیل منظور ، قیصر وحید ایمپائر جبکہ ساجد عثمان سکورر تھے۔ میچ کے اختتام پر سی ای او عامر کیبلز عامر الیاس بٹ نے افضل شاہ کے شاندار کھیل پر انہیں مین آف دی میچ کا انعام دیا۔