پاکستان اسٹیل ملز اسپتال میں بھٹو ویلفیئر کا دو روزہ مفت آئی کیمپ

کراچی (ہیلتھ رپورٹر) بھٹو ویلفیئر آرگنائزیشن سندھ کی جانب سے پاکستان اسٹیل ملز اسپتال میں دو روزہ آنکھوں کا مفت طبی کیمپ قائم کیا گیا جہاں ماہر سرجن و ڈاکٹرز نے مختلف گوٹھوں کے مریضوں کا علاج کیا۔ 600 مریضوں کو دوائیں اور چشمے دئیے گئے جبکہ 50 سے زائد مریضوں کا آپریشن کیا گیا۔ بھٹو برادری کے رہنمائوں ایف آئی اے ڈائریکٹر عبدالحمید بھٹو‘ ڈائریکٹر تعلیم صالح بھٹو‘ ایکسائز افسر ایاز علی بھٹو‘ نظیر بھٹو و دیگر نے کیمپ کا دورہ کیا اور مریضوں سے ملاقات کی۔