آکلینڈ ٹیسٹ،نیوزی لینڈ نے انگلینڈ کو ایک اننگز اور49رنز سے شکست دیدی

آکلینڈ(آئی این پی)نیوزی لینڈ نے پہلے ڈے اینڈ نائٹ ٹیسٹ میںانگلینڈ کو ایک اننگز اور 49رنز سے شکست دے کر 2 ٹیسٹ میچز پر مشتمل سیریز میں1-0کی برتری حاصل کرلی۔انگلینڈ کی ٹیم اپنی دوسری اننگز میں320رنز بنا سکی میچ میں 9 وکٹیں حاصل کرنے پر ٹرینٹ بولٹ کو مین آف دی میچ کے اعزاز سے نوازا گیا۔ پہلی اننگز میں انگلش ٹیم محض 58 رنز پر پویلین لوٹ گئی جواب میں نیوزی لینڈ نے 427 رنز 8 کھلاڑی آﺅٹ پر اپنی پہلی اننگز ڈکلیئر کر دی اور مہمان ٹیم کو جیت کے لئے 370 رنز کا ہدف ملا تھا۔