اسلام آباد ، کوئٹہ (اے پی پی+ آئی این پی) پاکستان پیپلز پارٹی کے چیئرمین بلاول بھٹو زرداری سے سینٹ کے نومنتخب ڈپٹی چیئرمین سلیم مانڈوی والا نے بلاول ہاﺅس میں ملاقات کی۔ سلیم مانڈوی والا نے بلاول بھٹو زدار ی کو سینٹ کی صورتحال، قومی و علاقائی سیاست اور آئندہ الیکشن کیلئے پارٹی کے منشور کی تیاری کے حوالے سے بریفنگ دی۔دریں اثنا پیپلز پارٹی بلوچستان کے صوبائی صدر حاجی علی مدد جتک نے بھی گزشتہ روز بلاول بھٹو نے ملاقات کی۔ اس موقع پر صوبائی صدر نے چیئرمین پیپلزپارٹی کو بلوچستان میں تنظیمی امور اور ممبر سازی مہم کے حوالے سے آگاہ کیا۔ حاجی علی مدد جتک نے بلاول بھٹو کو کوئٹہ میں جلسہ کی دعوت بھی دی جو انہوں نے قبول کرلی۔ وہ 4 مئی کو ایوب سٹیڈیم کوٹہ میں جلسے سے خطاب کرینگے۔ اس موقع پر کئی اہم شخصیات پیپلز پارٹی میں شمولیت کا اعلان بھی کریں گی۔
بلاول/ ملاقاتیں