لاہور(اسپورٹس رپورٹر) 16 بالی جی انٹرنیشنل برج چیمپیئن شپ کا ٹائٹل پاکستان اور بھارت کے کھلاڑیوں پر مشتمل ٹیم نے جیت لیا۔ لاہور جم خانہ میں منعقد ہونے والی چار روزہ چیمپیئن شپ میں مجموعی طور پر 32 ٹیموں نے حصہ لیا جس میں بھارت، کویت اور دبئی سے تعلق رکھنے والے برج کھلاڑی بھی شامل تھے۔ چیمپیئن شپ کی اختتامی روز انڈو پاک (پاکستان اور بھارت) کے کھلاڑیوں جن میں گلزار احمد بلال، فرخ لیاقت، سباش گپتا اور سپن دسائی شامل تھے نے بہترین کھیل کا مظاہرہ کرتے ہوئے مجموعی طور پر 160.61 پوائنٹس کے ساتھ پہلی پوزیشن اپنے نام کی۔ تحسین ٹیم جس میں تحسین گھی والا، راشد الغازی، محمد حشمت، عمران عابدی اور فاطمہ رضا شامل تھیں نے 134.67 پوائنٹس کے ساتھ دوسری پوزیشن اپنے نام کی۔ آئزو فور جو جہانگیر احمد، فاروق علوی، مدثر رحیم، قاسم رحیم، عبید علی کھلاڑیوں پر مشتمل ٹیم نے 111.55 پوائنٹس کے ساتھ تیسری پوزیشن اپنے نام کی۔