ملک کے بیشترعلاقوں میں گرمی کی لہرمیں ہرگزرتے دن کے ساتھ اضافہ ہورہا ہے۔اندرون سندھ اورمیدانی علاقوں میں سورج اپنے تیوردکھا رہا ہے۔کراچی میں پارہ چالیس ڈگری تک پہنچا توشہری گرمی سے بلبلا اٹھے،حیدرآباد میں درجہ حرارت تینتالیس جبکہ سکھرمیں اکتالیس ڈگری ریکارڈ کیا گیا۔دوسری جانب لاہورمیں سورج اوربادلوں کے درمیان آنکھ مچولی کا سلسلہ جاری رہا۔لوگ بارش کے انتظارمیں ہی رہے تاہم صوبائی دارالحکومت کا ٹمپریچرپینتیس ڈگری ریکارڈ کیا گیا۔اسلام آباد میں درجہ حرارت جزوی ابرآلود ہے،رات کے اوقات میں ٹھنڈی ہوائیں چلنے کا سلسلہ جاری رہے گا . موسم کی خبردینے والوں نے کہا ہے کہ آئندہ چوبیس گھنٹے میں ملک کے بیشترحصوں میں موسم خشک رہے گاتاہم گلگت بلتستان اورکشمیرمیں بعض مقامات پرہلکی بارش کی توقع ہے.