لاہور ( کامرس رپورٹر) فیڈرل بورڈ آف ریونیو کی جانب سے گوشوارے جمع نہ کرانے والے تاجروں کو آگاہی دینے کیلئے تجارتی مراکز کے دوروں میں تیزی آگئی ۔ ایف بی آر کی ٹیم نے ہال روڈ مارکیٹ کا دورہ کر کے تاجروں سے ملاقاتیں کیں اورا نہیں ٹیکس گوشوارے جمع کرانے سے متعلق آگاہی دی ۔علاوہ ازیں ایف بی آر کے بی ٹی بی زون نے شاہ عالم اور اکبری منڈی کے تاجروں سے ملاقاتیں کیں اوران کو ٹیکس گوشوارے جمع کروانے کے حوالے سے آگاہی دی ۔ڈپٹی کمشنر بی ٹی بی زون کاکہنا تھا کہ تاجر فائلر لسٹ میں شامل ہونے کیلئے اپنے گوشوارے 31مارچ تک جمع کروادیں ،غیررجسٹرڈ افراد اب سسٹم سے بچ نہیں سکیں گے ۔