اسلام آباد (سپورٹس رپورٹر) جوبلی انشورنس 44ویں قومی سنوکر چیمپئن شپ میں محمد بلال، بابر مسیح اور ذوالفقار عبدالقادر نے مسلسل چھٹی کامیابی حاصل کر کے ناقابل شکست ریکارڈ برقرار رکھا۔ منگل کو کراچی جمخانہ میں جاری چیمپئن شپ کے ساتویں روز کھیلے گئے آخری لیگ رائونڈ میچز میں محمد بلال نے عمدہ کارکردگی کے تسلس کو برقرار رکھتے ہوئے علی حیدر کو 4-1 فریمز سے ہرا کر مسلسل چھٹی کامیابی حاصل کی، بابر مسیح نے اسلام آباد کے محمد مدثر کو با آسانی 4-0 فریمز سے زیر کر کے ناقابل شکست ریکارڈ برقرار رکھا۔