کراچی (اسپورٹس رپورٹر) سندھ سپر لیگ کے دسواں میچ لاڑکانہ لیوپرڈ اور میرپورخاص ایگلز کے درمیان کھیلا گیا جو کہ لاڑکانہ لیوپرڈ نے 2-1 سے جیت لیا۔ میرپورخاص ایگلز کے محمد ریاض نے 35 ویں منٹ پر گول اسکور کیا جبکہ لاڑکانہ لیوپرڈ کی طرف سے احسان اللہ نے دوسرے ہاف میں 50 ویں اور 84 ویں منٹ میں 2 گول اسکور کرکے اپنی ٹیم کو فتح دلائی۔ گیاہواں میچ کورنگی چیلنجز اور ویسٹ یونائیٹڈ کے درمیان کھیلا گیا جو کہ کورنگی چیلنجز نے 3-1 سے جیت لیا۔ ویسٹ یونائیٹڈ کے شعیب مبروک نے 45+2 ویں منٹ میں گول اسکور کیا دوسری جانب کورنگی چیلنجز کے حافظ محمد حسان نے 7 ویں منٹ میں گول اسکور کیا اور شاہ جہان نے 70 ویں اور 90+7 ویں منٹ میں 2 گول اسکور کیے۔ فٹبال اسٹیڈیم لیاری میں کھلاڑیوں کی حوصلہ افزائی کیلئے شائقینِ فٹبال کی کثیر تعداد موجود ہے۔ واضح رہے کہ کورنگی چیلنجز گروپ B میں 7 پوائنٹس کے ساتھ پہلی پوزیشن پر ہے۔