مریم نواز، حمزہ نے گوجرانوالہ میں اوورسیز پاکستانی ظفر اقبال کے گھر قیام کیا، پہلوانی کھابوں سے تواضع

گوجرانوالہ (فرحان میر سے) مہنگائی مکاؤ مارچ کی گوجرانوالہ آمد کے بعد مریم نواز اور حمزہ شہبازسمیت دیگر قیادت نے معروف صنعتکار اور حمزہ شہباز کے قریبی ساتھی اوور سیز پاکستانی ظفر اقبال کے گھر میں قیام کیا۔ ظفر اقبال حمزہ شہباز کو ویلکم کرنے کے لیے خصوصی طور پر دبئی سے گوجرانوالہ پہنچے تھے۔ لیگی قیادت کیلئے دیسی کھانوں کا انتظام کیا گیا۔ معروف صنعتکار ظفر اقبال، ایم پی اے عمران خالد بٹ اور سٹی صدر مسلم لیگ ن سلمان خالد پومی بٹ نے اپنے قائدین کے لئے تمام تر انتظامات کیے گئے۔ سٹی صدر مسلم لیگ ن سلمان خالد پومی بٹ نے اپنے قائدین کے لیے پہلوانی کھابوں کا اہتمام کیا گیا جس میں باربی کیو، کدو گوشت، دیسی مرغ، سفید چاول، دیسی مرغ سٹیم روسٹ، مٹن نلی، پالک گوشت، مٹن پلاؤ سمیت مختلف اقسام کی ڈش تیار کی گئی۔ مریم نواز، حمزہ شہباز اور مسلم لیگ ن کی قیادت نے حمزہ شہباز کے قریبی ساتھی اوورسیز پاکستانی و معروف صنعتکار ظفر اقبال کے گھر سٹی ہاؤسنگ میں قیام کیا۔